اسلام آباد(نیوزڈیسک)جسٹس ریٹائرڈ شائق عثمانی نے کہا ہے کہ ایگزیکٹ کیخلاف درج مقدمات سنگین نوعیت کے نہیں ہیں،دھوکہ دہی کی دفعات میں سات سال قید اور جرمانہ کیا جا سکتا ہے،آئینی اور قانونی ماہر سابق جسٹس شائق عثمانی کے مطابق ایگزیکٹ کے خلاف درج دفعہ 420 جائیداد کی دھوکا دہی،چار سو اڑسٹھ جعلی دستاویزاور419 حلیہ بدل کا دھوکا دینا ہے،سابق جسٹس شائق عثمانی نے کہاکہ جرم ثابت ہونے پر سات سات سال قید اور جرمانہ ہو سکتا ہے،الیکٹرانک ٹرانزیکشن کی دفعہ چھتیس معلومات کی رازداری کی خلاف ورزی اور دفعہ 37 معلومات کو ہٹانا،حذف کرنا اور ترسیل کرنے سے متعلق ہیں۔بول چینل سے متعلق پوچھے گئے سوال پر انکا کہنا تھا کہ اگر جرم ثابت ہوجائے تو ایگزیکٹ کے بول چینل بھی بند ہوسکتا ہے۔