تل ابیب(این این آئی)اسرائیل نے 1982 میں لبنان جنگ کے دوران میں لا پتہ ہونے والے ایک فوجی کی لاش ملنے کا اعلان کیا ہے۔ادھر عرب ٹی وی نے دعویٰ کیا ہے کہ سرائیل ایک تیسرے ملک کی مدد سے اس فوجی کی لاش واپس لینے میں کامیاب ہوا ہے۔ یہ فوجی جنگ کے

دوران میں لبنان کی وادی بقاع میں لاپتا ہوا تھا۔ اسرائیل کو روس کی ثالثی کے نتیجے میں لبنان میں غائب ہونے والے اس فوجی کی باقیات کا تابوت ملا ہے۔غیرملکی خبررساں ادارے کے مطابق اسرائیلی فوج کے ترجمان جوناتھن کونریکس نے ایک ٹویٹ میں اس فوجی کی لاش واپس ملنے کی اطلاع دی اور کہا کہ ایسا ایک خفیہ انٹیلی جنس کارروائی کے ذریعے ممکن ہوسکا ۔فوجی ترجمان کا کہنا تھا کہ سارجنٹ فرسٹ کلاس زیچرے بومل سلطان یعقوب جنگ کے وقت سے لاپتا تھا۔تاہم ترجمان نے یہ بتانے سے گریز کیا کہ اس فوجی کی باقیات کی کیونکر واپسی ممکن ہوئی ہے۔فرسٹ سارجنٹ بومل امریکا میں پیدا ہوا تھا لیکن وہ بعد میں نقل مکانی کرکے اسرائیل منتقل ہوگیا تھا۔ادھر عرب ٹی وی نے بتایاکہ سرائیل ایک تیسرے ملک کی مدد سے اس فوجی کی لاش واپس لینے میں کامیاب ہوا ہے۔یہ فوجی جنگ کے دوران میں لبنان کی وادی بقاع میں لاپتا ہوا تھا۔ اسرائیل کو روس کی ثالثی کے نتیجے میں لبنان میں غائب ہونے والے اس فوجی کی باقیات کا تابوت ملا ہے۔