بیروت(این این آئی)لبنانی نژاد ایک یہودی ارب پتی جوزف یعقوب صفرا نے لندن میں ایک ایسی فلک بوس عمارت تعمیر کرنے کا اعلان کیا ہے جو معاصر فلک بوس عمارتوں سے اس اعتبار سے منفرد ہوگی کی اس میں کوئی رہائشی فلیٹ یا دفتر نہیں ہوگا بلکہ یہ اونچی بلڈنگ صرف تعلیمی اور ثقافتی سرگرمیوں کے لیے مختص ہوگی۔عرب ٹی وی کے مطابق 81 سالہ لبنانی نڑاد یہودی ارب پتی جوزف صفرا نے لندن میں برطانوی ماہرتعمیرات سیرنورمن فوسٹر کی ڈیزائن کردہ عمارت تعمیر کرنے کی اجازت

حاصل کی، صفرا نے 2014ء کو گیری کن کے نام سے 9 کروڑ 48 لاکھ ڈالر سے ایک اونچی عمارت خرید کی۔ چالیس منزلہ یہ عمارت 180 میٹر بلند ہے۔جوز ف صفرا کو بیروت کی امریکی یونیورسٹی کا سب سے بڑا مالی معاونت کار سمجھا جاتا ہے ان کا شمار برازیل کے امیر ترین عرب نڑاد لوگوں میں ہوتا ہے۔ وہ عالمی ارب پتیوں کے ساتھ ساتھ برازیل کے پانچویں امیر ترین شخص ہیں۔ عالمی دولت مندوں میں ان کا نمبر 31 واں ہے اور ان کی دولت 24 ارب 60 کروڑ ڈالر تک بتائی جاتی ہے۔