لاہور(این این آئی) پنجاب فوڈ اتھارٹی کا ناقص اور مضر صحت پلاسٹک بوتل تیار کرنے والوں کے خلاف صوبہ بھر میں کریک ڈاؤن،نان فوڈگریڈ پلاسٹک بوتلوں کی تیاری، جعلی لیبلنگ، ریکارڈ کی عدم دستیابی پر 4 فیکٹریاں سیل،17ہزار خالی بوتلیں، بھاری مقدار میں خام مال اور مشینری ضبط کرلی گئی۔ڈی جی فوڈ اتھارٹی کیپٹن (ر) محمدعثمان نے بتایا کہ لاہور میں ایک، شیخوپورہ میں2 اور فیصل آباد میں ایک فیکٹری کو سیل کیا گیا۔اقبال بوٹلز، علی دین پلاسٹک، میزان پلاسٹک اور جٹ بوٹلز کے خلاف

کارروائی کی گئی۔ناقابل سراغ پلاسٹک دانہ کی موجودگی پر 10 فیکٹریوں کی پروڈکشن اصلاح تک بند کر دی گئی۔ چیکنگ کے دوران 5 فیکٹریوں کے انتظامات تسلی بخش، 3 کو تفصیلی اصلاحی نوٹسز جاری کیے گئے۔صرف فوڈ گریڈ پلاسٹک دانے سے بنی بوتل ہی کھانے پینے کی اشیا کے لیے استعمال ہوسکتی ہے۔ پلاسٹک کرش سے تیار کردہ بوتل پر ”یہ کھانے کی اشیا میں استعمال کے لیے نہیں ”لکھنا لازم ہے۔ ناقص بوتلوں میں اشیا خورونوش کی ترسیل موذی بیماریوں کا باعث بنتی ہے۔

موضوعات:پنجاب فوڈ اتھارٹی