جیکب آباد(این این آئی)وڈیرے کا ظلم وڈیرے کے محافظو ں نے نوجوان کو بنگلے پر لاکر تشدد کا نشانہ بنایا اور مونچھے منڈوا دیںتین افراد پر مقدمہ درج ایک کوگرفتارکرلیاگیا۔ تفصیلات کے مطابق جیکب آبادمیں وڈیرے نے ظلم کی انتہا کردی سٹی تھانے کی حدود میں
وڈیرے قادر خان کے محافظو ن نے قصبہ قادرپور سے ایک نوجوان نیاز کھوسو کو زبردستی اٹھا کر شہر لے آئے اور سٹی تھانے کی حدود اولڈ میونسپل روڈ پر واقع بنگلے پر تشدد کا نشانہ بنا یا اور مونچھیں بھی منڈوا دیں ذرائع کے مطابق یہ سارا کام پولیس کی موجودگی میں ہوا نوجوان کو تشدد کا نشانہ بنانے کے بعد بعد محافظوں نے چوری کرنے کے لئے آنے کے دوران پکڑنے کا بتا کر پولیس کے حوالے کر دیا گرفتار نوجوان سے جب تفتیش کی گئی تو نوجوان نیاز کھوسونے بتایا کہ وڈیرے کے محافظ مجھے زبر دستی گائوں سے اٹھا کر بنگلے پر لائے جہاں مجھے تشدد کا نشانہ بنایا گیا اور مونچھیں بھی منڈوا دی گئیں اتنا تشدد کیا کہ میں بے ہو ش ہو گیا مار ا بھی گیا تذلیل بھی کی اور اسکے بعد پولیس کے حوالے کر دیا گیا دوسری جانب سٹی پولیس نے واقع کا مقدمہ وڈیرے کے محافظوں بشیر ،وقار اور نصیر کے خلاف درج کر لیا ہے پولیس کے مطابق ایک ملزم نصیر کو گرفتار کر لیا گیا ہے دیگر کی گرفتاری کے لئے چھاپے مارے جا رہے ہیں۔
