کراچی(این این آئی)ایدھی ایئرایمبولینس سروس میں ایک اور جہاز کا اضافہ ہوگیاہے، ایدھی ائیرایمبولینس میں شامل ہونیوالا طیارہ چھ سیٹر ہے،طیارے سے دشوارگزارعلاقوں سے مریضوں کو فوری طبی امداد دی جاسکے گی ۔تفصیلات کے مطابق ایدھی فائونڈیشن نے ایک قدم آگے بڑھاتے ہوئے

ایدھی ایئرایمبولنس میں ایک اور جہاز کا اضافہ کر دیا ہے۔فیصل ایدھی کے مطابق بڑے حادثات کی صورت میں فری ایئرایمبولنس سروس فراہم کی جائیگی۔ نیا طیارہ سیسنا206بیٹرے میں شامل کردیاگیاہے۔انہوں نے بتایا کہ ساڑھے 5کروڑروپے مالیت کاطیارہ جدید آلات سے لیس ہے۔ ایدھی ائیرایمبولینس میں شامل ہونیوالا طیارہ چھ سیٹر ہے۔طیارے سے دشوارگزارعلاقوں سے مریضوں کو فوری طبی امداد دی جاسکے گی۔ طیارے کا فی گھنٹہ کرایہ 50ہزار روپے ہے۔ اس سے قبل ایدھی ایمولینس سروس کے پاس فائپرسنکا طیارہ تھا۔فائپرسنیکا کافی گھنٹہ کرایہ70 سے80 ہزار روپے ہے، فیصل ایدھی نے بتایاکہ بڑے حادثے کی صورت میں ائیرایمبولینس سروس مفت فراہم کی جاتی ہے۔ائیرایمبولینس سروس کی مشکلات کے کا ذکر کرتے ہوئے فیصل ایدھی نے بتایا کہ صرف موسم کی خرابی اور ائیراسپیس بند ہونے سے آپریشن میں دشواریاں پیش آتی ہیں، بھارتی دراندازی کی وجہ سے ائیراسپیس بند تھا اور ایسی صورتحال میں خصوصی اجازت درکار ہوتی ہے۔ذرائع کے مطابق گلاس کارپٹ پرمشتمل جنرل ایوی ایشن کا یہ پہلا طیارہ ہے۔