موغادیشو(این این آئی)صومالیہ کے دارالحکومت موغادیشو میں ایک کار بم حملے میں16ہلاک جبکہ 20سے زائد زخمی ہوگئے ، القاعدہ سے وابستہ عسکریت پسند گروہ الشباب نے اس حملے کی ذمہ داری قبول کر لی ہے،غیرملکی خبررساں ادارے کے مطابق پولیس کے ایک اہلکار نے بتایاکہ صومالیہ کے دارالحکومت موغادیشو میں ایک کار بم حملے میں16افراد مارے گئے ۔ اس حملے
میں زخمیوں کی تعداد بیس بتائی گئی ہے،انہوں نے کہاکہ بارود سے بھری اس کار سے یہ حملہ ایک مشہور مقامی ہوٹل کے قریب سڑک پر کیا گیا۔ دھماکے سے کئی قریبی عمارات کو بھی نقصان پہنچا۔ اس ہوٹل میں جانے والے افراد زیادہ تر حکومتی اہلکار، سیاستدان اور غیر ملکی مہمان ہوتے ہیں۔ القاعدہ سے وابستہ عسکریت پسند گروہ الشباب نے اس حملے کی ذمہ داری قبول کر لی ہے۔
