اسلام آباد (این این آئی) پاکستان مسلم لیگ(ن)کے مرکزی رہنماء سینیٹر پرویز رشید نے کہاہے کہ نوازشریف کی ضمانت کے فیصلے کا احترام کرتے ہیں ، ہمارا کسی سیاسی جماعت کے ساتھ کوئی ذاتی اختلاف نہیں ہے ، نیشنل ایکشن پلان سب جماعتوں نے ملکر بنایا تھا۔ ایک انٹرویو میں پرویز رشید نے کہاکہ ہم عدالتی فیصلے کا احترام کرتے ہیں ، انہوں نے کہا کہ ہمارا کسی سیاسی جماعت کے ساتھ کوئی ذاتی اختلاف نہیں ہے ، نیشنل ایکشن پلان سب جماعتوں نے ملکر بنایا تھا ۔ایک سوال کے جواب میں

پرویز رشید نے کہا کہ خان صاحب نے تو ابھی خود این آر او دیئے ہیں ، ایسے لوگوں کو بھی ستارہ امتیاز دے دیا جن پر نیب کے مقدمے چل رہے ہیں ، جو این آر او مانگنے کا کہہ رہے ہیں ان سے پوچھیں کس نے این آر او مانگا ہے اور وہ کون سا این آر او ہے جس کو دینے کی پوزیشن عمران خان ہیں ، عمران خان تو جس کرسی پر بیٹھے ہیں اس پر بیٹھنے کے لئے بھی انہیں دوسروں کی اجازت چاہیے ہوتی ہے ، خان صاحب بہت زیادہ ذمہ داریاں اپنے سر پر لیتے جا رہے ہیں ، انہیں اتنی ذمہ داری نہیں اٹھانی چاہیے ۔