لاہور( نیوزڈیسک)لاہور سمیت پنجاب کے مختلف شہروں میںآج دوسرے روز بھی وکلاء کی ہڑتال جاری ہے ، لاہور ہائیکورٹ میں رینجرز تعینات ہے۔پنجاب بار کونسل کی اپیل پر مختلف شہروں میں دوسرے روز بھی ہڑتال جاری ہے۔ ڈسکہ میں وکلاء کی ہلاکت کے بعد ڈسکہ اور لاہور سمیت پنجاب کے مختلف شہروں میںآج بھی وکلاء عدالتوں میں پیش نہیں ہو رہے ، لاہور ہائیکورٹ میں اہم مقدمات کی سماعت ہو رہی ہے۔ تفتیشی افسر مختلف کیسز میں ریکارڈ لے کر سادہ کپڑوں میں عدالتوں میں پیش ہو رہے ہیں۔ لاہور ہائیکورٹ اور ماتحت عدالتوں میں سیکورٹی انتظامات رینجرز کے حوالے ہیں۔