بیجنگ(این این آئی)چین میں ایک کیمیکل پلانٹ میں ہونے والے دھماکے کے نتیجے میں کم از کم چھ افراد ہلاک اور تیس زخمی ہو گئے ۔ اس واقعے کی وجوہات ابھی تک معلوم نہیں ہو سکی ہیں اور ابھی تک امدادی کارروائیاں جاری ہیں غیرملکی خبررساں ادارے کے مطابق حکام نے بتایاکہ یہ حادثہ صوبہ جیانگ سو میں تیانجیائی نامی

کیمیکل کمپنی میں ہوا ہے۔ حکام کے مطابق اس واقعے کی وجوہات ابھی تک معلوم نہیں ہو سکی ہیں اور ابھی تک امدادی کارروائیاں جاری ہیں۔ امدادی کارروائیوں میں تقریباً چار سو اہلکار اور آگ بھجانے والی چھیاسی گاڑیاں شامل ہیں۔ ماضی میں بھی چین میں ناقص حفاظتی انتظامات کی وجہ سے ایسے متعدد حادثات پیش آ چکے ہیں۔