اسلام آباد ( آن لائن )وفاقی وزیر اطلاعات فواد چوہدری نے کہا ہے کہ پیپلز پارٹی کے جو کارکن پولیس پر حملے میں ملوث نہیں انہیں رہا کرنے کیلئے وزارت داخلہ کو ہدایت جاری کردی ہے تاہم پولیس پر حملہ کرنے والوں کو رہا نہیں کیا جائے گا۔ بدھ کے روز ٹوئٹر پر جاری پیغام میں فواد چودھری نے کہا کہ پولیس پر
حملہ کرنے والے پیپلز پارٹی کے کارکنوں کو رہا نہیں کیا جائے گا تاہم جو کارکن پولیس پر حملے مین ملوث نہیں انہیں رہا کردیا جائیگا۔ کارکنوں کی رہائی کیلئے وزارت داخلہ کو ہدایات جاری کردی گئی ہیں۔ انہوں نے کہا کہ قیادت کی جانب سے تفتیش سے بچنے کیلئے کارکنوں کا اسطرح استعمال قابل مذمت ہے۔
