اسلام آباد (این این آئی)وزیرخزانہ اسد عمر کے ساتھ مبینہ تلخ کلامی کی خبریں،وفاقی وزیر اطلاعات فواد چوہدری کاردعمل بھی سامنے آگیا،وفاقی وزیر اطلاعات فواد چوہدری نے اسد عمر کے ساتھ تلخ کلامی کی خبروں کی تردید کر دی۔ میڈیا بات چیت کے دور ان چوہدری فواد نے کہا کہ اسد عمر کے ساتھ کابینہ میں کسی قسم کی
تلخ کلامی نہیں ہوئی۔فواد چوہدری نے کہاکہ اس حوالے سے چلنے والی خبریں بے بنیاد اور من گھڑت ہیں۔وزیر اطلاعات نے کہاکہ کسی وزیر کے بیرون ملک دوروں پر کوئی پابندی عائد نہیں ہوئی۔وفاقی وزیر اطلاعات نے کہاکہ اسد عمر میرے بڑے بھائیوں جیسے ہیں،خبر دینے سے قبل کم از کم تحقیق تو کر لینی چاہیے۔
