اسلام آباد(آن لائن) پاکستان نے175ممالک کے شہریوں کیلئے آن لائن اور آن ارائیول ویزہ سسٹم متعارف کروا دیا50ممالک کے شہریوں کو ایئرپورٹ پر ویزہ ملیں گے ویزہ حصول کے پہلے مرحلہ میں فیس، درخواست اور دستاویزات آن لائن جمع ہوں گی پھر ویزے کی کارروائی اور اجرا ہو گا۔ نادرا نے3ماہ کی مختصر مدت میں ای ویزہ سہولت کیلئے نظام بنادیا ۔ میڈیا رپورٹس کے مطابق پاکستان میں آن لائن اور آن ارائیول ویزہ سسٹم کا جدید نظام تیار کر لیا۔ پاکستانی آن لائن ویزہ سسٹم امریکہ اور برطانوی نظام کے طرز پر بنایا گیا ہے، نادرا نے 3ماہ کی مختصر مدت میں ای ویزہ
سہولت کیلئے نظام بنایا۔ 175ممالک کے شہریوں کو پاکستان کے آن لائن ویزہ کی سہولت ملے گی، جرمنی، اٹلی، نیوزی لینڈ سمیت 50ممالک کے شہریوں کو ایئرپورٹ پر ویزے ملیں گے اس فہرست میں سوئیزرلینڈ، آئس لینڈ، مالٹ کویت اور جاپان بھی شامل ہیں، بزنس ویزہ حاصل کرنے والے ممالک میں برازیل کینیڈا، چین، ڈنمارک، فرانس شامل ہیں ۔ویزہ حصول کا عمل تین مراحل میں فوری طور پر مکمل ہو گا، پہلے مرحلے میں ویزہ فیس، درخواست اور دستاویزات آن لائن جمع ہوں گی، دوسرے مرحلے میں ویزے کی کارروائی اور تیسرے مرحلے میں ویزے کا اجرا ہو گا۔
