ہری پور(آن لائن)ہری پور بھل صفائی کے دوران نالے سے استعمال شدہ سات راکٹ لانچر برآمد ۔بم ڈسپوزول سکواڈ نے اپنی تحویل میں لے کر نامعلوم مقام پر منتقل کرکے تحقیقات شروع کردیں ۔ راکٹ لانچر دیسی ساختہ تھے۔ زرائع کے مطابق گزشتہ روز ہری پور جی ٹی روڈ پر واقع الواسع ہوٹل کے قریب ٹی ایم اے کے اہلکار بھل صفائی مہم کے دوران نالے کی صفائی کر رہے تھے کہ اسی دوران انکو نالے کے ملبے سے سات عدد استعمال شدہ
راکٹ لانچر ملے جس پر ٹی ایم اے کے اہلکاروں نے تحصیل ناظم طارق خان کو اطلاع دی ۔جنہوں نے موقع پر پہنچ کر ہری پور ڈی پی او آفس میں اطلاع کی ڈی پی او آفس کے اہلکاروں بم ڈسپوزل نے استعمال شدہ راکٹ لانچروں کو قبضہ میں لیکر دریافت شروع کردی ۔رابطہ کرنے پر ڈی ایس پی نے بتایا ہے کہ راکٹ لانچر ناکارہ تھے جن کو بم ڈسپوزل سکواڈ نے اپنی تحویل میں لے رکھا ہے پولیس کے مطابق مزید تحقیقات شروع کر دی گئی ہیں۔
