قاہرہ(این این آئی)مصر کی سب سے بڑی دینی درسگاہ اور دارالافتا جامعہ الازہر کے سربراہ ڈاکٹر احمد الطیب نے کہاہے کہ پہلی اہلیہ کو جانتے بوجھتے ظلم کا شکار کرنے کی نیت سے دوسری شادی کرنے والے کو اللہ کے ہاں سخت عذاب دیا جائے گا۔مصر کے ایک سیٹلائیٹ ٹی وی پر اپنے ہفتہ وار پروگرام میں شیخ الازہر نے تعدد ازدواج کے معاملے پر اسلامی شرائط کے
موضوع پر تفصیلی اظہار خیال کیا۔ انھوں نے کہا کہ دوسری شادی کے حوالے سے بیگمات کے درمیان عدل کی شرط نہایت اہم ہے۔انھوں نے کہا کہ عدل کا تصور معاشرت، بچوں کی تعلیم وتربیت، انفاق سمیت چہرے پر مسکراہٹ جیسی امور میں بھی راسخ کیا گیا ہے۔ روز قیامت اللہ کے عذاب سے بچنے کے لئے بیگمات کے درمیان عدل کے اصول کی پیروی ضروری ہے۔
