لیما (این این آئی)جنوبی امریکی ملک پیرو میں زلزلے کے انتہائی طاقت ور جھٹکے محسوس کیے گئے۔ مرکز زمین میں ڈھائی سو کلومیٹر سے زائد کی گہرائی میں ریکارڈ کیا گیاتاہم حکام نے کہاہے کہ یہ امید نہیں کہ اس زلزلے کے نتیجے میں کوئی تباہ کن سونامی لہریں پیدا ہوں گی، غیرملکی خبررساں ادارے کے مطابق ریکٹر اسکیل پر ان جھٹکوں کی شدت سات اعشاریہ ایک بتائی گئی ہے، فوری طور پر اس زلزلے کے

باعث کسی جانی یا مادی نقصان کی کوئی اطلاع نہیں ہے۔ امریکی محکمہ ارضیات نے بتایاکہ یہ زلزلہ پیرو کے جنوبی شہر خْولیاکا سے تقریباستر کلومیٹر شمال مغرب میں آیا۔ اس کا مرکز زمین میں ڈھائی سو کلومیٹر سے زائد کی گہرائی میں ریکارڈ کیا گیا۔ بحرالکاہل میں سونامی کی وارننگ کے مرکز کے مطابق تازہ ترین ڈیٹا کے پیش نظر یہ امید نہیں کہ اس زلزلے کے نتیجے میں کوئی تباہ کن سونامی لہریں پیدا ہوں گی۔