وارسا(این این آئی)پولینڈ نے اپنی فوج کو جدید بنانے کے لیے انچاس بلین یورو خرچ کرنے کا اعلان کیا ہے۔غیرملکی خبررساں ادارے کے مطابق یہ بات پولستانی وزیر دفاع ماریْوس بلاشچک نے ٹوئٹر پر جاری کردہ اپنے ایک پیغام میں بتائی۔ پولینڈ سن2026 تک انچاس بلین یورو اپنی فوج کے لیے جنگی طیاروں اور آبدوزوں سمیت

کئی طرح کے ہتھیار خریدنے پر خرچ کرے گا۔ پولینڈ نیٹو اتحاد کا رکن بھی ہے۔ زیادہ تر عسکری ساز و سامان مشرقی پولینڈ میں نصب کیا جائے گا۔ سن2014 میں روس کے کریمیا کو اپنے ریاستی علاقے میں شامل کیے جانے اور حال ہی میں امریکا اور روس کے مابین تخفیف اسلحہ کا معاہدہ ختم ہو جانے کے بعد سے مشرقی یورپی ممالک کو اپنی سکیورٹی کے حوالے سے شدید تشویش ہے۔