شارجہ(آن لائن ) پاکستان سپر لیگ کے دسویں میچ میں ملتان سلطانز نے لاہور قلندرز کو جیت کیلئے 201 رنز کا ہدف دے دیا۔اے بی ڈویلیئرز نے شاندار کھیل کا مظاہرہ کیا اور 52سکور بنا کر ناٹ آوٹ رہے جبکہ ڈی ویسے 45سکور بنا کر ناٹ آوٹ رہے۔شارجہ کرکٹ اسٹیڈیم میں کھیلے جانے والے میچ میں لاہور قلندرز نے ٹاس جیت کر فیلڈنگ کا فیصلہ کیا۔

ملتان سلطانز کے بلے بازوں نے اپنی ٹیم کو بہترین آغاز فراہم کیا اور اوپننگ جوڑی نے ہی شاندار شراکت قائم کی۔جیمس ونز نے بہترین بلے بازی کا مظاہرہ کرتے ہوئے 41 گیندوں پر 84 رنز بنائے جب کہ عمر صدیق نے نصف سنچری بنائی اور 53 رنز پر پویلین لوٹ گئے۔ملتان سلطانز کی اوپننگ جوڑی نے 135 رنز کی شراکت قائم کی اور جیمس ونز لمی چنے کی گیند پر فخر زمان کے ہاتھوں کیچ آؤٹ ہوگئے۔ملتان الیون نے مقررہ 20 اوورز میں 6 وکٹوں کے نقصان پر 200 رنز بناکر لاہور قلندرز کو پہاڑ جیسا ہدف دیا ہے۔ سلطانز کی جانب سے جیمس ونز 84 اور عمر صدیق 53 رنز بناکر نمایاں رہے۔ لاہور قلندرز کی جانب سے سندیپ لمی چنے نے 3، شاہین آفریدی اور حارث رؤف نے ایک ایک کھلاڑی کو آؤٹ کیا۔جواب لاہور قلندرز نے 4وکٹوں کے نقصان پر مقررہ 20اوورز میں ہدف مکمل کیا۔فخرزمان نے 63،سہیل اختر 10،سلمان بٹ 17،آغا سلمان 2اور ٹیلر 1سکور پر آوٹ ہوئے۔اے بی ڈویلیئرز نے شاندار کھیل کا مظاہرہ کیا اور 52سکور بنا کر ناٹ آوٹ رہے جبکہ ڈی ویسے 45سکور بنا کر ناٹ آوٹ رہے۔لاہور قلندرز کے کپتان محمد حفیظ انگھوٹے میں انجری کے باعث پی ایس ایل سے باہر ہوگئے ہیں ان کی جگہ اے بی ڈی ویلیرز کپتانی کررہے ہیں جب کہ حفیظ کی جگہ اسپاٹ فکسنگ اسکینڈل میں سزا یافتہ لیفٹ آرم بیٹسمین سلمان بٹ کو ٹیم میں شامل کیا گیا ہے۔