کراچی ( نیوزڈیسک) متحدہ قومی موومنٹ کے قائد الطاف حسین نے وزیر اعلٰی سندھ قائم علی شاہ سے ٹیلی فونک رابطہ کیا ہے۔ دونوں رہنماؤں نے امن و امان سمیت پانی کے بحران پر تبادلہ خیال کیا۔متحدہ قومی موومنٹ کے قائد الطاف حسین نے سانحہ صفورا میں ملوث دہشت گردوں کی گرفتاری پر وزیر اعلٰی سندھ اور آئی جی کی کوششوں کو سراہا۔ ان کا کہنا تھا کہ پولیس افسران شاباش کے مستحق ہیں۔ انہوں نے وزیر اعلیٰ پر زور دیا کہ وہ کراچی میں پانی کا بحران حل کرنے میں کردار ادا کریں اس سلسلے میں ایم کیو ایم کے پاس تجاویز موجود ہیں۔ آج ایم کیو ایم کا وفد وزیراعلیٰ سندھ سے ملاقات کرے گا۔