کینیڈا (مانیٹرنگ ڈیسک) ہمیں اپنے مختلف دستاویز کو مختلف رنگوں میں حاصل کرنے کے لیے کلر پرنٹر کی ضرورت ہوتی ہے، لیکن کیا آپ جانتے ہیں کلر پرنٹر کی رنگین انک کس طرح سے بنائی جاتی ہے؟ کینیڈا کی دا انک پرنٹنگ کمپنی نے پرنٹر کے رنگ تیار کیے جانے کی ایک دلچسپ ویڈیو شیئر کی ہے۔ یہ ویڈیو حیرت انگیز اور انوکھی ہونے کے ساتھ ساتھ نہایت دلچسپ اور معلوماتی بھی ہے۔ پرنٹر کے لیے مخصوص سیاہی بنانے کے

لیے سب سے پہلے ایک مائع کو گرم کیا جاتا ہے۔ یہ مائع سیاہ اور زرد رنگ کا ہوتا ہے۔ اس کے بعد اس مائع میں مختلف رنگوں کے پگمنٹس یا ذرات شامل کیے جاتے ہیں۔ اس کے بعد اس میں اسٹیل کے ننھے ننھے گول ٹکڑے شامل کیے جاتے ہیں تاکہ بننے والا رنگ ہموار ہوجائے، بعد ازاں ہموار رنگ الگ ہوجاتا ہے جبکہ اس کے ذرات پر مشتمل گاڑھا مادہ الگ کرلیا جاتا ہے۔ آخری مرحلے میں رنگ کو ایک رولر سے گزارا جاتا ہے جس سے اس میں چمک آجاتی ہے۔