لاہور(نیوزڈیسک)قذافی سٹیڈیم کے قریب تین افراد گرفتار، پولیس کی مزید نفری بھیج دی گئی،سرچ آپریشن شروع،تفصیلات کے مطابق قذافی سٹیڈیم کے اطراف میں پولیس اور دیگر اداروں کے اشتراک سے آپریشن شروع کردیاگیا ہے ، آپریشن کے دوران مزید نفری بھیج دی گئی، شفیق آباد گجر پورہ، نواب ٹاﺅن میں بھی سرچ آپریشن شروع کردیاگیا ہے اور پولیس نے قذافی سٹیڈیم کی قریبی بستی کی بھی ناکہ بندی کردی ہے ڈی آئی جی آپریشنز کے مطابق تین مشکوک افراد کو گرفتارکرلیاگیا ہے جن کو نامعلوم مقام پر منتقل کیاجاچکاہے انہوں نے بتایا کہ سٹیڈیم کے قریب چار سو آٹھ گھروں کو چیک کرلیاگیا ،پولیس ذرائع کا کہنا ہے کہ ماضی کے سری لنکن ٹیم کے تجربے کے بعد پولیس حکام اب کسی قسم کی غفلت برداشت نہیں کررہے اور دہشت گردوں کے گرد گھیراتنگ کیاجارہا ہے سیکورٹی انتظامات بہترین ہونے کے باوجود پولیس ہر جانب کڑی نظر رکھے ہوئے ہے اور یہ آپریشن بھی اسی سلسلے کی کڑی ہے تاکہ دہشت گردوں کو سر اٹھانے کا موقع نہ مل سکے۔