اسلام آباد (این این آئی)پاکستانی ٹیم انتظامیہ نے جنوبی افریقا کے خلاف تیسرے ون ڈے انٹر نیشنل میں تجربہ کار فاسٹ بولر محمد عامر کو کھلانے غورشروع کر دیا جس کے بعد محمد عامر کی 4 ماہ بعد ون ڈے ٹیم میں شمولیت متوقع ہے۔ میڈیا رپورٹ کے مطابق عامر نے آخری ون ڈے انٹرنیشنل گذشتہ سال 23 ستمبر کو ایشیا کپ کے دوران کھیلا تھا جس کے بعد ان کو پاکستان ٹیم سے ڈراپ کردیا گیا تھا۔میزبان جنوبی افریقا نے اپنی ٹیم میں فاسٹ بولر ڈیل اسٹین اور وکٹ کیپر کوئنٹن ڈی کوک کو شامل کیا ہے۔ پاکستان اور جنوبی افریقا

کے درمیان سیریز ایک ایک سے برا بر ہے توقع ہے جمعے کو سینچورین میں ہونے والے میچ میں وہ فہیم اشرف کی جگہ کھیلیں گے۔یاد رہے کہ محمد عامر پانچ سالہ پابندی ختم ہونے کے بعد سے پاکستانی ٹیم کا تینوں فارمیٹس میں مستقل حصہ رہے ہیں تاہم جون2017 میں چیمپئنز ٹرافی کے فائنل میں بھارت کے خلاف اوول میں تین وکٹوں کے شاندار اسپیل کے بعد سے ان کی کارکردگی انتہائی مایوس کن رہی ہے اور وہ آخری دس ون ڈے انٹرنیشنل میچوں میں صرف تین وکٹیں حاصل کرنے میں کامیاب ہو سکے تھے ۔