اسلام آباد(مانیٹرنگ ڈیسک)سعودی عرب کے صنعتی شہر الجبیل میں تنخواہوں کی عدم ادائیگی پر احتجاج کرنے پر متعدد پاکستانی ملازمین گرفتار۔میڈیا رپورٹس کے مطابق سعودی عرب کے شہر الجبیل میں پاکستانی ملازمین تنخواہ نہ ملنے پر احتجاج کر رہے تھے۔اس دوران ملازمین کی پولیس کے ساتھ جھڑپ بھی ہوئی۔پولیس نے پاکستانی ملازمین پر سیدھی گولیاں چلائیں جس سے
متعدد پاکستانی ملازمین زخمی ہو گئے۔سعودی پولیس نے متعدد پاکستانی ملازمین کو گرفتار بھی کر لیا۔واضح رہے پاکستانی ملازمین گذشتہ ایک سال سے تنخواہیں نہ ملنے پر سراپا احتجاج ہیں۔یہاں یہ بات قابل ذکر ہے کہ سعودی سفارتخانہ اس بات سے تاحال بے خبر ہے۔یاد رہے کہ سعودی عرب میں غیر ملکی ملازمین کو تنخواہوں کی عدم ادائیگی ایک بڑا مسئلہ ہے۔
