کابل(این این آئی)افغانستان کے خفیہ ادارے نیشنل ڈائریکٹوریٹ برائے سکیورٹی (این ڈی ایس ) نے کہا ہے کہ اْس طالبان کمانڈر کو ہلاک کر دیا گیا ہے، جس نے وردک صوبے کے مقام میدان پر حملے کی منصوبہ بندی کی تھی تاہم طالبان نے اپنے کمانڈر کی ہلاکت کی تردید کی ہے۔غیرملکی خبررساں ادارے کے مطابق اس کمانڈر کی سات
ساتھیوں سمیت ہلاکت مخبری کی بنیاد پر کیے گئے ایک فضائی حملے کے نتیجے میں ہوئی ہے۔ خفیہ ادارے نے طالبان کمانڈر کا نام نعمان بتایا ۔ طالبان نے اپنے کمانڈر کی ہلاکت کی تردید کی ہے۔ رواں ہفتے کے دوران پیر کے روز کیے جانے والے طالبان کے بارود سے بھرے ٹرک حملے میں کم از کم چھتیس افراد ہلاک اور اٹھاون زخمی ہوئے تھے۔ طالبان نے ہلاکتوں کی تعداد 190 بتائی تھی۔
