اسلام آباد(اے این این)وزیراعظم پاکستان عمران خان نے اس بات پر افسوس کا اظہار کیا ہے کہ پاکستان کی خوبصورتی کو ہماری مقتدر اشرافیہ سے وہ قدر نہیں ملتی جس کی یہ حقدار ہے۔ یہی وجہ ہے کہ ایگزٹ کنٹرول لسٹ(ای سی ایل)ان کے لیے ایک آفت کی مانند ہے۔سماجی رابطے کی ویب سائٹ پر اپنے تازہ ترین
ٹویٹ میں انہوں نے کہا ہے کہ ارضِ پاک کا مسحور کن حسن اور اس میں ملنے والا تنوع بے مثال ہے۔وزیر اعظم کے مطابق وہ اپنی دھرتی کی اس دلفریب شان و شوکت کے گرویدہ ہیں اور اسی لیے وہ اس کے حصار میں خوش رہتے ہیں۔عمران خان کا کہنا تھا کہ انہیں پاکستان میں رہ کراپنے لوگوں کی خدمت کرنا بے حد مرغوب ہے۔
