نئی دہلی(نیوزڈیسک) ہندوستانی پارلیمانی امور کے وزیر مختار عباس نقوی نے کہا کہ جو گائے کا گوشت کھانے کا خواہشمند ہے اسے پاکستان چلے جانا چاہیے۔میڈیارپورٹ کے مطابق انہوں نے کہا کہ یہ منافع اور نقصان کی بات نہیں ہے، یہ عقیدے اور ایمان کی بات ہے اور ہندوو¿ں کے لیے یہ حساس معاملہ ہے۔انہوں نے دعویٰ کیا کہ بڑی تعداد میں ہندوستانی مسلمان بھی گائے کو ذبح کرنے کے خلاف ہیں۔مختار عباس نقوی نے کہا کہ جو لوگ گائے کا گوشت کھانا چاہتے ہیں انہیں پاکستان یا کسی عرب ملک چلے جانا چاہیے جہاں یہ دستیاب ہے۔اس سے قبل مارچ میں ہندوستانی ریاست مہاراشترا نے گائے کے گوشت کی فروخت اور کھانے پر پابندی عائد کردی تھی اور ایسے کسی شخص کو پانچ سال قید اور دس ہزار جرمانے کا سامنا بھی کرنا پڑ سکتا ہے۔ہندوستان میں ہندوو¿ں کی اکثریت ہے جن کے نزدیک گائے مقدس ہے تاہم وزیراعظم مودی ہر قسم کے جانور کے ذبح کے مخالف ہیں۔