کراچی (این این آئی) ایڈیشنل ڈسٹرکٹ اینڈ سیشن جج کی عدالت نے جے ایس بینک اور جے ایس گروپ کی ساکھ مجروح کرنے کے خلاف نجی ٹی وی چینل کے اینکرز ثروت سلیم ،روف کلاسرا،عامر متین ،عبدالمالک اورسہیل بھٹی کے خلاف قابل ضمانت وارنٹ گرفتاری جاری کردئیے ہیں۔جے ایس بینک کی جانب سے فاضل عدالت میں تحریری شکایت جمع کرائی جس میں موقف اختیارکیا گیا ہیکہ ملزمان نیذاتی مفاد کی خاطر ایک سازش کے تحت نجی ٹی وی چینل (92 نیوز) کے پروگرامز”مقابل” اور بریکنگ ویو

ود مالک میں اچھی شہرت کے حامل جے ایس بینک کا نام استعمال کرتے ہوئیجھوٹ اور من گھڑت ریمارکس دئیے اس پروگرام کے نشر ہونے سے جے ایس بینک اور جے ایس گروپ کی ساکھ کو ناقابل تلافی نقصان پہنچایاگیا۔درخواست گزار نے مزید موقف اختیارکرتے ہوئے کہاہیکہ ملزمان نے سوچی سمجھی سازش کے تحت عام عوام میں یہ تاثر پیدا کیاکہ جے ایس بینک غیرقانونی سرگرمیوں میں ملوث ہے لہذا فاضل عدالت سے استدعاہیکہ مذکورہ ملزمان کے خلاف سخت کارروائی عمل میں لائی جائے۔