اسلام آباد (این این آئی) سابق سینیٹر فیصل رضا عابدی نے کہاہے کہ اسلام آباد ہائیکورٹ کے دو رکنی بینچ نے طبی بنیادوں پر ضمانت دی۔ جمعہ کو جوڈیشل کمپلیکس کے باہر فیصل رضا عابدی نے میڈیا سے گفتگو کرتے ہوئے کہاکہ اسلام آباد ہائیکورٹ کے دو رکنی بینچ نے طبی بنیادوں پر ضمانت دی۔ انہوں نے کہاکہ دو رکنی بینچ نے میڈیکل بورڈ تشکیل دیا تھا جس کی رپورٹ پر ضمانت ہوئی۔ انہوں نے کہاکہ تینوں کیسز میں پیش

ہو رہے ہیں انصاف لے کر جائیں گے۔ انہوں نے کہاکہ تین گواہیاں ریکارڈ ہو چکی ہے مزید 6 گواہیاں چھ فروری ہو گی۔ انہوں نے کہاکہ قانون کا احترام کرتے ہیں اس لیے عدالتوں میں پیش ہو رہے ہیں۔ فیصل رضا ربانی نے کہاکہ ہمارا نقطہ نظر یہ تھا کہ عدالت ان تمام چیزوں پر فیصلہ کرے جس سے ریاست پاکستان کو فائدہ ہو اور ریونیو بڑھے۔ انہوں نے کہاکہ یہ دو مخلتف کیسز تھے قانون کا احترام کیا لہجے کے اعتراض پر معافی مانگی۔