اسلام آبا د(نیوز ڈیسک)وزیر اعظم محمد نواز شریف وسطی ایشیاءکے 3 روزہ دورہ مکمل کرنے کے بعد اسلام آباد پہنچ گئے ہیں،ترجمان وزیر اعظم ہاﺅس کے مطابق وزیر اعظم نواز شریف نے ترکمانستان کا 2 روزہ سرکاری دورہ کیا جس کے بعد ایک روزہ دورے پر کر غزستان پہنچے ،وزیراعظم نے وسطی ایشیائی ممالک کے سرکاری دورے کے دوران ترکمانستان اور کرغزستان کی اعلی قیادت سے ملاقاتیں کیں اور تجارت ،توانائی ،انسداد دہشت گردی اور منشیات کی روک تھام سمیت مختلف شعبوں میں تعاون بڑھانے اورمعاہدوں پر دستخط کئے گئے،وزیر اعظم نواز شریف وسطی ایشیائی ممالک کے کامیاب دورے کے بعد جمعہ کے روز 3 روزہ دورہ مکمل کرنے کے بعد اسلام آباد وطن واپس پہنچ گئے ہیں۔