لاہور( این این آئی ) وزیراعظم اور چیف جسٹس کے دیامربھاشا اور مہمند ڈیم فنڈ میں اب تک9 ارب روپے سے زائد رقم وصول ہوچکی ہے جبکہ مرکزی بینک نیتجارتی بنکوں کو ہدایت کی ہے کہ پے منٹ کارڈزکے ذریعے ڈیم فنڈ کیلئے دئیے جانے والے عطیات پرکوئی سروس فیس وصول نہ کی جائے۔سرکاری ریڈیو نے اسٹیٹ بینک آف پاکستان کی جاری تازہ اطلاعات کے حوالے سے کہا ہے کہ ملک بھر سے جمع ہونے والے عطیات تقریباً 8 ارب روپے ہیں جبکہ باقی ایک ارب روپے بیرون ملک پاکستانیوں نے

جمع کرائے۔بیرون ملک مقیم پاکستانیوں میں اب تک امریکہ میں مقیم پاکستانیوں نے سب سے زیادہ 44کروڑ 35لاکھ 72 ہزار روپے جبکہ برطانیہ میں رہائش پذیر پاکستانیوں نے 23کروڑ 46لاکھ 42ہزار روپے عطیہ کئے ۔اسی طرح پاکستان میں مختلف موبائل کمپنیوں کی ایس ایم ایس سروس کے ذریعے 13کروڑ 24لاکھ روپے موصول ہوئے ہیں۔دریں اثنا سٹیٹ بینک نے تجارتی بنکوں کو ہدایت کی ہے کہ پے منٹ کارڈزکے ذریعے ڈیم فنڈ کیلئے دئیے جانے والے عطیات پرکوئی سروس فیس وصول نہ کی جائے۔