لندن(آئی این پی/شِنہوا)یورپی ممالک میں جاری شدید برفباری کے باعث نظام زندگی بری طرح متاثر ہوا ہے۔حادثات میں اب تک30افراد ہلاک ہو چکے ہیں۔جرمنی کے جنوبی علاقوں میں برف باری کے بعد سڑکوں پر برف کی موٹی تہہ نے گاڑیوں، سڑکوں اور مکانات سب کو سفید چادر میں چھپا دیا ۔شدید برفباری کے باعث ٹرینوں کی آمدورفت روک دی گئی۔تعلیمی ادارے بند ہیں۔درجنوں پروازیں بھی متاثر ہوئی ہیں۔جرمنی اور آسٹریا میں برف میں پھنسے لوگوں کو ریسکیو کرنے کے لئے فوج کو طلب کیا گیا ہے۔جرمنی کے کئی اضلاع میں ہنگامی حالت نافذ کر دی گئی ۔