اسلام آباد(آئی این پی)وفاقی وزیر ریلوے شیخ رشید نے شہباز شریف کو مناظرے کا چیلنج دیتے ہوئے کہا ہے کہ میرے ساتھ مناظرہ کریں ثابت کروں گا کہ یہ لوگ این آر او کے متلاشی ہیں، شریف خاندان کی اولادیں دنیا کے مہنگے ترین علاقوں میں رہتی ہیں ، یہ چوری بھی کریں اور اپوزیشن لیڈر بھی بنیں ان کو چیئرمین پبلک اکاؤنٹس کمیٹی بنانے کا اسپیکر کافیصلہ ہے اس معاملے میں میں کچھ نہیں کہتا ۔ وہ اتوار کو نجی ٹی وی سے گفتگو کررہے تھے۔ انہوں نے کہا کہ شہباز شریف کو ریمانڈ کے
وقت چیئرمین پی اے سی بنانا درست نہیں ،نیا پاکستان یہ ہے کہ قلندر باہر پھریں، قانون کے تحت چورجیلوں کے اندر جائیں ۔شیخ رشید نے کہا کہ عمران خان کاحقیقی دوست ہوں،دوست وہ ہے جو صحیح مشورہ دے، سگار کی طرح این آر او کی بھی پانچ قسمیں ہیں۔اپوزیشن نے پہلی سیڑھی پر قدم رکھا ہے، یہ وکٹ کے دونوں طرف کھیل رہے ہیں،شہباز شریف کو چیلنج کرتاہوں ، یہ میڈیا کے سامنے مجھ سے مناظرہ کرلیں۔ ثابت کرونگاشہباز شریف این آراو کے متلاشی ہیں،اور اس پربھرپورکام ہورہاہے۔
