کراچی(مانیٹرنگ ڈیسک)پاکستان تحریک انصاف کے رہنما اوررکن سندھ اسمبلی خرم شیرزمان نے دعوی کیا ہے کہ وزیر اعلی سندھ مراد علی شاہ 20 سے 25 دن میں اپنے عہدے سے استعفیٰ دے دیں گے۔بدھ کو میڈیا سے گفتگو کرتے ہوئے انہوں نے مزید کہا کہ مراد علی شاہ وزیر خزانہ بھی رہے ہیں، ہم اس حوالے سے ان سے جواب مانگ رہے ہیں۔خرم شیرزمان نے کہا کہ

جے آئی ٹی نے جو انکشافات کیے ہیں ۔مراد علی شاہ ان کا ہی جواب دے دیں، پاناما پر جے آئی ٹی کی رپورٹ پر نوازشریف سے استعفے کا پہلا مطالبہ آصف زرداری نے کیا تھا۔انہوں نے یہ بھی کہا کہ ہمیں شک ہے کہ مراد علی شاہ وزیر اعلی کے منصب پر رہیں گے تو یہ ثبوت ٹیمپرڈ کردیں گے، گزشتہ دور میں سندھ میں ہمارے صرف تین ایم پی ایز تھے آج 30ایم پی ایز ہیں۔

موضوعات:خرم شیر زمان