فیصل آباد (مانیٹرنگ ڈیسک )جہالت کی انتہا ، شوہر نے اولاد کی خواہش میں بیوی کو جعلی عامل سے زیادتی کا نشانہ بنوا ڈلا۔ قومی اخبار کی رپورٹ کے مطابق فیصل آباد کے نواحی علاقے ستیانہ بنگلہ چک نمبر 33گ ب کا رہائشی قاصد علی اپنے گھریلو حالات سدھارنے دم درود اور دعا کروانے کےلئے جعلی پیر لیاقت علی کے پاس 39گ ب لے گیا اور قاصد نے اپنی بیوی زنیرہ پروین

کو کہا کہ اولاد پیدا ہو جائے گی اور ہمارے سارے کام سیدھے ہو جائیں گے۔ پیر کے حکم پر عمل کرو، اس کے انکار کرنے پر شوہر نے اپنی بیوی کے دونوں ہاتھ باندھ دیئے اور منہ کے اوپر کپڑا رکھ دیا اور جعلی عامل سے اپنے سامنے اپنی بیوی سے زیادتی کروا ڈالی اور خود اپنی بیوی کی بے بسی کا تماشہ دیکھتا رہا۔واقع کا علم ہونے پر سی پی او اشفاق احمد خان نے سخت نوٹس لیتے ہوئے ستیانہ پولیس کو مقدمہ درج اور خاتون کے شوہر سمیت جعلی عامل کو فوری گرفتار کرنے کے احکامات دیئے۔ جن پر عملدرآمد کرتے پولیس نے مختلف دفعات کے تحت مقدمہ درج کرتے ہوئے خاتون کے شوہر قاصداور جعلی پیر لیاقت کو گرفتار کر کے حوالات میں بند کر دیا اور تفتیش شروع کر دی ہے ۔بتایا جاتا ہے کہ زنیرہ پروین کی عرصہ آٹھ سال قبل قاصد علی سے شادی ہوئی تھی جس کے بطن سے کوئی اولاد پیدا نہ ہوئی جس پر قاصد نے زنیرہ کو جعلی عامل کے ذریعے اپنے سامنے زیادتی کا نشانہ بنوایا۔ واضح رہے کہ ا س سے قبل بھی جعلی عاملوں اور پیروں کی خبروں کی میڈیا کی زینت بنتی رہی ہیں جس میں یہ بات سامنے آچکی ہے کہ اب تک متعدد خواتین اولاد کی خواہش میں ان جعلی عاملوں اور اور جعلی پیروں کے ہاتھوں اپنی عزت لٹوا بیٹھی ہیں تاہم ایک خاوند کی جانب سے اولاد کی خواہش میں اپنی بیوی کو جعلی پیر کے حوالے کرنےاور خود باندھ کر جعلی پیر سے زیادتی کروانے کا یہ پہلا واقعہ سامنے آیا ہے۔