اسلام آباد(مانیٹرنگ ڈیسک )شاہزیب قتل کیس میں جیل کاٹنے والے شاہ رخ جتوئی کے بھائی شہزاد جتوئی کا بھی کارنامہ سامنے آگیا، جعلی اکائونٹس کیس میں ملوث نکلا۔ تفصیلات کے مطابق جعلی اکائونٹس و منی لانڈرنگ کیس کی جے آئی ٹی رپورٹ میں انکشاف کیا گیا ہے کہ شاہزیب قتل کیس میں جیل کاٹنے والے شاہ رخ جتوئی کا بھائی شہزادجتوئی بھی کیس میں ملوث ہے اور شہزاد علی جتوئی کی تعمیراتی کمپنی شاہ رخ انجینئرنگ نے لکی انٹرنیشنل کے جعلی اکاؤنٹ میں 5 کروڑ جمع کرائے،

اس کمپنی پربھی سندھ حکومت کی نوازشات کی بارش ہوتی رہی۔2014ء میں اس کمپنی کو سوا تین ارب روپے کے دو ٹھیکے دئیے گئے۔ عبدالغنی مجید نے 169 ملین روپے ادھار لیا تھا جو بزنس میں لگا دئیے تاہم لین دین کے حوالے سے کوئی ثبوت پیش نہ کیا جا سکا۔جے آئی ٹی کے مطابق 50 ملین روپے کرپشن، رشوت کے پیسے تھے جو حکومت سے اربوں روپے کے ٹھیکے لینے پر دی گئی۔واضح رہے کہ چیف جسٹس کی سربراہی میں بنچ نے آج جعلی اکائونٹس و منی لانڈرنگ کیس کی سپریم کورٹ میں سماعت کی ہے۔

موضوعات:جعلی اکائونٹس و منی لانڈرنگ کیس شاہ رُخ جتوئی شاہزیب قتل کیس شہزاد جتوئی