اسلام آباد(نیوز ڈیسک)ڈائریکٹوریٹ آف ٹرانزٹ ٹریڈ کسٹمز کراچی نے کارروائی کرتے ہوئے امریکی فوج کے 21کنٹینرز سے چوری کیے گئے، لاکھوں ڈالر مالیت کے جنریٹرز برآمد کر لیے ہیں۔ ٹرانزٹ ٹریڈ کسٹمز ذرائع کے مطابق امریکی فوج کے 21کنٹینرز سے چوری کیے گئے لاکھوں ڈالر مالیت کے جنریٹرز برآمد کر لیے گئے۔ جنریٹرز جلال سے کراچی کے راستے دبئی جانے والے امریکی فوج کے کنٹینرز سے چوری کیے گئے تھے۔ ذرائع کا کہنا ہے کہ ٹرانزٹ ٹریڈ کسٹمز کے اہلکاروں نے جنریٹرز برآمد کرکے کنٹینرز اور 11گاڑیاں بھی قبضے میں لے لیں ہیں، گاڑیوں کے ڈرائیورز کو بھی حراست میں لے کر مزید تفتیش شروع کر دی گئی ہے۔