اسلام آباد(نیوز ڈیسک) محکمہ انسداد دہشت گردی نے پشاور میں کارروائی کے دوران بنوں جیل سے فرار عمر قید کے قیدی سمیت 2 دہشت گردوں کو حراست میں لے لیا ہے بھاری مقدار میں اسلحہ بارودی مواد بھی برآمد کر لیا گیا ۔ میڈیا رپورٹس کے مطابق جمعرات کے روز پشاور میں محکمہ انسداد دہشت گردی پشاور ڈویژن نے خفیہ اطلاعات پر ایک گھر میں چھاپہ مار کر اشتہاری ملزم عمر قید کے فرار قیدی شوکت پراچہ سمیت 2 دہشت گردوں کو حراست میں لے لیا ہے اور ملزمان کے قبضے سے بھاری مقدار میں اسلحہ بارودی مواد بھی برآمد کر لیا ہے حکام کے مطابق حراست میں لئے گئے ملزم کی شناخت شوکت پراچہ ولد باچا خان نام سے ہوئی ہے ملزم 2012 میں بنوں حملے کے دوران جیل سے فرار ہو گیا تھا اور ملزم شوکت بنوں جیل میں عمر قید کی سزا بھی کاٹ رہا تھا ۔