اسلام آباد(نیوز ڈیسک)جنوبی پنجاب کے ضلع بہاولپور میں ہونے والی ایک پنچائت کے دوران ملزمان نے فائرنگ کردی جس کے نتیجے میں 3 افراد جاں بحق اور دو زخمی ہوگئے۔پولیس ذرائع کے مطابق تھانا صدریزمان کے علاقے 19 بی سی میں زمیندار محمد بوٹا اور اس کے مزارع اللہ بخش کے درمیان تنازع تھا کہ مزارع کے خاندان نے زمیندار کے مخالفین سے دوستی کر رکھی ہے، جسکی وجہ سے اسے نقصان پہنچ رہا ہے۔ معاملے کے تصفیے کے لئے پنچائت کا انعقاد کیا گیا جہاں زمیندار کے تین بیٹوں طاہر،اسامہ اور اصغر نے اشتعال میں آکر فائرنگ کردی۔ جس سے مزارع اللہ بخش کے بیٹے اور بھتیجے سمیت تین افراد جاں بحق ہوگئے۔