اسلام آباد(مانیٹرنگ ڈیسک)وزیراعلیٰ پنجاب عثمان بزدار کے ساتھ ہیلی کاپٹر میں گھومنے والے سکول ماسٹر نے اپنے ہی ہیڈماسٹر کا تبادلہ کرا دیا۔ تفصیلات کے مطابق وزیراعلیٰ پنجاب عثمان بزدار کی ان کے حلقے پی پی 286تونسہ شریف میں سیاسی سرگرمیوں اور ان کیلئے سیاسی خدمات سر انجام دینے والے انتہائی قریبی کار خاص فرید نامی سکول ماسٹر نے تونسہ شریف کے سکول نمبر 3کے اپنے ہی ہیڈماسٹر کا تبادلہ کر وا دیا ہے۔ نیو نیوز کی رپورٹ کے مطابق ہیڈ ماسٹر

نے الزام عائد کیا ہے کہ غلام فرید نامی ٹیچر سیاسی مصروفیات کی بنا پر سکول سے غیر حاضر رہتا تھا جس کی بنا پر اس کے خلاف کارروائی کی گئی تو الٹا اس نے ڈپٹی کمشنر کو اپنی وزیر اعلیٰ پنجاب کے ساتھ لی گئی سیلفیاں دکھا کر ہیڈ ماسٹر کا ہی تبادلہ کرادیا۔ دوسری جانب سی او ایجوکیشن کا اس معاملے پر موقف سامنے نہیں آسکا ہے۔دوسری جانب یہ بھی انکشاف ہوا ہے کہ وزیراعلیٰ پنجاب کے ہیلی کاپٹر کے سفر کے دوران بھی یہ سکول ماسٹر فرید ان کے ساتھ ہوتا ہے۔