مکہ مکرمہ (نیوز ڈیسک) حکومت نے پاکستان کو ریاست مدینہ جیسی ریاست بنانے کے لیے سعودی عرب میں مفتیان کرام سے تجاویز مانگ لیں، وفاقی وزیر مذہبی امور نورالحق قادری نے ایک سیمینار سے خطاب کرتے ہوئے کہا کہ پاکستان کو ریاست مدینہ جیسی ریاست بنانے کے لیے مکہ مکرمہ کے مفتیان کرام سے تجاویز

مانگی ہیں۔ انہوں نے کہا کہ پاکستان کو ریاست مدینہ بنانے کے لیے اقدامات کرنا ہوں گے، انہوں نے کہا کہ ایسا ممکن نہیں کہ ریاست مدینہ کے نام پر الگ دنیا بسا لیں۔ وفاقی وزیر نے سیمینار سے خطاب کرتے ہوئے کہا کہ کسی کو واجب القتل قرار دینا اور کسی کو کافر قرار دینا اس کا اختیار کسی کو حاصل نہیں۔