روجھان (آئی این پی )متحدہ عرب امارات کے شہزادہ محمد سلطان اور انکا مترجم حادثے میں زخمی ہو گئے ، دونوں کو روجھان کے مقامی اسپتال منتقل کر دیا گیا ۔ پیر کو متحدہ عرب امارت کا شہزادہ محمد سلطان رحیم یار خان میں شکار کے لیے آئے ہوئے تھے جب وہ شکار کے سلسلے میں چاچڑاں سے روجھان جا رہے تھے
کہ ان کی گاڑی تیز رفتاری کی وجہ سے حادثے کا شکار ہوگئی ۔حادثے کے نتیجے میں گاڑی میں سوار شہزادہ محمد سلطان، ان کا ڈرائیور اور مترجم بھی شدید زخمی ہو گئے۔پولیس ذرائع کے مطابق شہزادے سمیت تمام زخمیوں کو روجھان کے مقامی اسپتال منتقل کیا گیا ہے جہاں انہیں طبی امداد دی گئی ہے۔
