لاہور ( این این آئی)بھارتی جاسوس قیدی سربجیت سنگھ کو مبینہ طورپر اینٹیں مارکرقتل کرنے کے الزام میں ملوث دو ملزمان کی قسمت کا فیصلہ سنادیاگیا،تفصیلات کے مطابق سیشن عدالت نے بھارتی جاسوس قیدی سربجیت سنگھ کے قتل کیس میں ملوث دو ملزمان کو بری کرنے کا حکم دے دیا۔
ایڈیشنل سیشن جج معین کھوکھر نے تمام گواہان کے منحرف ہونے پر کیس کا فیصلہ سناتے ہوئے ملزمان عامر تانبا اور مدثر منیر کو بری کرنے کا حکم دیا ۔دونوں ملزمان پر بھارتی جاسوس کو اینٹیں مار کر قتل کرنے کا الزام تھاجن کیخلاف تھانہ کوٹ لکھپت پولیس نے مقدمہ درج کررکھا تھا۔
