برلن(آئی این پی/شِنہوا)ایپل نے جرمنی میں موبائل کے ذریعے ادائیگی کی سہولت فراہم کردی۔اس سہولت کے ذریعے آئی فون سمیت ایپل کی مصنوعات استعمال کرنے والے سٹورز پر موبائل کے ذریعے ادائیگی کر سکیں گے۔اس سلسلے میں ایپل کو کئی بینکنگ اور مالیاتی اداروں کا تعاون بھی حاصل ہے۔ان میں ڈوچے بینک اور امریکن ایکسپریس بھی شامل ہیں۔جون میں گوگل بھی
موبائل کے ذریعے ادائیگی کی سہولت فراہم کر چکا ہے۔جرمنی میں تھوک کے دوکاندار بھی ایپل پے کے ذریعے خدمات قبول کر رہے ہیں۔جبکہ گیس اسٹیشن،فیشن شاپ،فوڈز ریستوران،برگر کنگ اور میک ڈونلڈ بھی ایپل پے کے ذریعے ادائیگی میں تعاون کر رہے ہیں۔
