اسلام آباد(مانیٹرنگ ڈیسیک)پی ٹی آئی حکومت نے بچت اور سادگی کی پالیسی اپنانے کے علاوہ لگژری اشیاءپر ٹیکس لگانے کا عندیہ  دیا جس پر تاحال کوئی عمل تو نہیں کیا گیا البتہ بیرون ملک مقیم شہریوں کے موبائل فونز لانے پر ان سے ائیرپورٹ ٹیکس ضرور لیا جا رہا ہے۔نجی ٹی وی  کے مطابق ایک شہری سام سنگ کے 26,000 روپے مالیت کا فون J6 لے کر پہنچا تو ائیرپورٹ ٹیکس(کسٹم ڈیوٹی) کی مد میں اس سے 10 ہزار

روپے وصول کئے گئے جس پر نہ صرف شہری کے بلکہ جہانگیر ترین کی سوشل میڈیا ٹیم کے اہم کارکن فرحان ورک بھی چیخ اٹھے۔انہوں نے کسٹم ڈیوٹی عائد کئے جانے کی رسید سوشل میڈیا پر شیئر کرتے ہوئے لکھا ”26 ہزارکے سام سنگ J6 فون پر ائیرپورٹ ٹیکس کی صورت میں 10 ہزار روپے ٹیکس! مجھے نہیں پتہ کہ وزارت فنانس کو معاشی مشورے کون آئن سٹائن دے رہے ہیں لیکن جو بھی دے رہے ہیں وہ شدید زیادتی کر رہے ہیں!“