لاہور ( نیوز ڈیسک) فیصل ا باد اور مچھ میں سزائے موت کے دو مجرموں کو تختہ دار پر لٹکا دیا گیا۔ مجرم ذوالفقار نے 2000 میں تھانہ ٹھیکریوالہ کے علاقہ میں ٹیکسی ڈرائیور ارشد کو اغوا کرنے کے بعد قتل کر دیا تھا۔ انسداد دہشت گردی کی عدالت نے مجرم ذوالفقار کو سزائے موت کا حکم سنایا تھا۔ گذشتہ روز خاندان کے 50 افراد نے مجرم سے ا خری ملاقات کی تھی۔ دوسری جانب مجرم موسیٰ خان نے 2005 میں لیاقت نامی شخص کو چمن کے علاقے میں ذاتی دشمنی کی بنا پر فائرنگ کر کے قتل کر دیا تھا۔ مجرم کو 2006 میں سیشن جج چمن نے سزائے موت کا حکم سنایا تھا۔