لاہور (نیوزڈیسک)پاکستان کے دورے پر آئے زمبابوے کرکٹ ٹیم کے کھلاڑیوں کے لئے لاہور کے فائیو سٹار ہوٹل میں ناشتے کا خصوصی انتظام کیا گیا ،ٹیم کو لاہور کا روایتی ناشتہ پیش کیا گیا جبکہ اس موقع پر ہوٹل کے ہال میں عام لوگوں کے داخلے پر پابندی عائد ہے ۔ منگل کو مہمان ٹیم کو ناشتے میں پراٹھہ آملیٹ ،نان چنے ،حلوہ پوری ،چکن نہاری ،آلو کی بھجیا ، ابلے ہوئے انڈے پیش کیے گئے جبکہ تربوز مالٹے کا جوس چائے اور دیگر اشیا بھی کھلاڑیوں کو پیش کی گئیں ۔ اس موقع پر ہوٹل میں کرکٹ کا پورا ماحول بنایا گیا تھا۔ ہوٹل کی لابی ہال اور راہداریوں کو کرکٹ بیٹس ،ہلمٹس ،گیند اور کھلاڑیوں کی تصاویر سے سجایا گیا تھا ۔ جبکہ ہوٹل کے ہال میں عام لوگوں کے داخلے پر پابندی عائد تھی ۔