لاہور(نیوز ڈیسک ) پنجاب حکومت نے لیپ ٹاپ سکیم ختم کر نے کا اعلان کردیا۔ صوبائی وزیر تعلیم راجہ ہمایوں یاسر نے کہا ہے کہ لیپ ٹاپ جیسی کوئی سکیم نہیں لا رہے، سکیم کا ریکارڈ نیب کو فراہم کر دیا، 20 ارب روپے لگائے گئے مگر سکیم کے متوقع نتائج برآمد نہ ہوئے۔ تفصیلات کے مطابقپی ٹی آئی حکومت نے لیپ ٹاپ سکیم کیلئے موجودہ بجٹ میں کوئی فنڈز نہیں رکھے۔ سابق وزیراعلی پنجاب شہباز شریف کی جانب سے سرکاری

یونیورسٹیوں اور کالجوں میں زیرتعلیم طلبا کو اعلی تعلیمی کارکردگی پر لیپ ٹاپ دینے کی سکیم شروع کی گئی تھی تاہم موجودہ حکوم نے سکیم ختم کر دی ہے۔صوبائی وزیر تعلیم راجہ ہمایوں یاسر نے اس حوالے سے کہا کہ لیپ ٹاپ خرید کر خزانے کو بھاری نقصان پہنچایا گیا ہے اور طلبا کو دیئے گئے لیپ ٹاپس کی کوالٹی بھی تسلی بخش نہیں۔ سکیم پر 20 ارب خرچ کر دئیے گئے، سارا ریکارڈ نیب کے حوالے کر دیا ہے۔