ممبئی (نیوز ڈیسک) بورڈ آف کرکٹ کنٹرول فار ان انڈیا (بی سی سی آئی) کی سلیکشن کمیٹی کا اجلاس (کل) بدھ کو ہو گا جس میں دورہ بنگلہ دیش کیلئے ٹیم کا اعلان کیا جائے گا۔ بی سی سی آئی کی طرف سے جاری کردہ بیان کے مطابق سندیپ پٹیل کی صدارت میں سلیکشن کمیٹی کا اجلاس آج بدھ کو ہو گا جس میں دورہ بنگلہ دیش کیلئے ٹیم کو حتمی شکل دی جائے گی۔ ویرات کوہلی سمیت بعض سینئرز کھلاڑیوں نے بورڈ سے آرام کا موقع فراہم کرنے کی درخواست کی ہوئی ہے تاہم حتمی فیصلہ ہونا ابھی باقی ہے۔ مہندرا سنگھ دھونی جو کہ ٹیسٹ کرکٹ سے ریٹائرمنٹ کا اعلان کر چکے ہیں توقع ہے کہ بنگلہ دیش کے خلاف ٹیسٹ سیریز میں ویرات کوہلی ٹیم کی قیادت کی ذمہ داری سنبھالیں۔ کوہلی اس سے قبل دھونی کی عدم موجودگی میں آسٹریلیا کے خلاف ٹیسٹ میچز میں بھی ٹیم کی قیادت کر چکے ہیں۔ بھارتی ٹیم آئندہ ماہ دورہ بنگلہ دیش کے دوران میزبان ٹیم کے خلاف واحد ٹیسٹ اور تین ایک روزہ میچوں کی سیریز کھیلے گی۔