بیجنگ(آئی این پی)چین نے کہا ہے کہ چین پاکستان مابین عسکری تعلقات اور دفاعی تعاون کو مزید فروغ دیا جائے گا،دوطرفہ عسکری تعلقات سٹریٹجک اعتماد کا مظہر ہیں ۔چین کی وزارت دفاع کے ترجمان کرنل رین کیانگ نے جمعہ کوپریس بریفنگ میں کہا کہ چین پاکستان کے ساتھ عسکری تعلقات اور دفاعی تعاون کو بڑھائے گا ، چین پاکستان ملٹری تعلقات اعلیٰ سطحی دفاعی اور سیکیورٹی تعاون پر مشتمل ہوگا ۔

حالیہ زہوہائی ایئرشو میں پاکستانی فوج نے اعلیٰ صلاحیتوں کا لوہا منوایا ، دوطرفہ عسکری تعلقات سٹریٹجک اعتماد کا مظہر ہیں ۔ چین کا پاکستان کے ساتھ سیکیورٹی اور دفاعی تعاون مثبت عمل ہے۔ ترجمان نے مزید کہا کہ رواں ہفتے بھلاری ایئربیس پر شروع ہونے والی ساتویں شاہین جوائنٹ ایئرفورس مشقوں میں چین بھرپور طریقے سے شمولیت اختیار کرے گا ۔ چین ان مشقوں میں لڑاکا طیارے ،بمبار اور وارننگ ایئرکرافٹ بھیجے گا ، یہ مشقیں دونوں ممالک کے سالانہ پلان کا حصہ ہیں ۔ یہ مشقیں دوطرفہ عسکری تعاون اور کومبیٹ صلاحیتوں کے تعاون کی اعلیٰ مثال ہے ۔ترجمان نے کہا کہ کہ پلان کے مطابق ہم اعلیٰ سطحی ٹریننگ کیا کریں گے ، دوطرفہ عسکری ٹریننگ کو عالمی معیار کے مطابق لے جانے کے لئے مزید اقدامات کریں گے ۔ دوطرفہ کارپ اپنی اپنی صلاحیتوں کے اعلیٰ معیار کے مطابق کام کریں گے ، ملٹری ٹریننگ کے حوالے سے 2018میں 6بڑی کامیابیاں حاصل کی ہیں ۔ انہوں نے کہا کہ چینی افواج چینی صدر شی جن پھنگ کے ان قول پر عمل پیرا ہے ، بہترین صلاحیتوں کے ساتھ عالمی سطح کی بہترین اور مضبوط فوج بنائی جائے ۔ چین نے کہا ہے کہ چین پاکستان مابین عسکری تعلقات اور دفاعی تعاون کو مزید فروغ دیا جائے گا،دوطرفہ عسکری تعلقات سٹریٹجک اعتماد کا مظہر ہیں ۔چین کی وزارت دفاع کے ترجمان کرنل رین کیانگ نے جمعہ کوپریس بریفنگ میں کہا کہ چین پاکستان کے ساتھ عسکری تعلقات اور دفاعی تعاون کو بڑھائے گا