دمام(این این آئی) سعودی انجینئرزکونسل کے ترجمان عبدالناصر العبد اللطیف نے بتایا ہے کہ کوئی بھی غیر ملکی انجینئر بی ٹیک کرتے ہی سعودی عرب میں ملازمت کا مجاز نہیں ہوگا، اسے کم از کم پانچ برس تجربے کا سرٹیفکیٹ پیش کرنا ہوگا۔ غیرملکی خبررساں ادارے کے مطابق ایک بیان میں انہوں نے
کہاکہ اپنے ملک کے سرکاری ادارے سے معاون انجینئر کے طور پر پروجیکٹ میں کام کرنے کا سرٹیفکیٹ لانا ہوگا۔ علاوہ ازیں مملکت آنے سے قبل اس کے اپنے ملک میں اس کا امتحان لیا جائیگا۔ اس کے بعد ہی سعودی ادارے یا کمپنی کو انجینئر کا ویزہ جاری کرکے اسے مملکت لانے کی اجازت دی جائیگی۔
